ليه مش بنطبق شرع ربنا

ارجو مراعاه قوانين المنتدي وعدم الاخلال بها وشكرا
المدير

اهلا بالاعضاء الجدد وويارب تنبسطوا معانا في المنتدي وياريت كل واحد يعرف نفسه في قسم التعارف

بســم الله الـرحمــن الرحيــم
على فكرة المشكله ال انا هعرضها دى بقيت منتشرة اووووووووووووى لدرجة مخيفه جدا وليها صور واشكال مختلفه هى قضيه المواريث او الميراث للاسف ناس كتير جدا معترضين على شرع ربنا فى المساله دى وبقى ليها اشكال كتيرة اولها
شخص مثلا لم ينجب ذكور يعمل ايه يكتب كل شىء يملكه باسم بناته عشان لما يموت اخواته مش يورثوا فيه طيب ليه احنا هنعدل على ربنا او فى شرعه اكيد كل حاجه ربنا شرعها له حكمه فيها
اما الشكل الثانى وده الافظع وبمثال حى جدا عائلة بأكملها مش بتورث البنات نهائيا ويقولوا البنت ليها جوزها وضمانا اكتر عشان ميراث البنت ميروحش بعيد او يطلع برة تتخطب لابن عمها ويتزوجوا عشان ميراثها حتى ولو مفيش اى تكافؤ بينهم فى اى حاجه فكريا وغيره او ان البنت مفيش قدامها غير يشتروا نصيبها وللاسف بأقل تمن ولكم ان تتخيلوا شخص واحد فى العائله ورث اخواته البنات واعطاهم حقوقهم لكن الباقيين لا ماشين على النظام لا ميراث للبنات
المستفز فى الموضوع ان البنت بتوافق و بتقبل انها تتظلم ويتسرق حقها مش فاهمه ده ازاى فى وقت المرأة بتاخد فيه كل حقوقها
ليه الناس بقيت كده ليه بنطبق من الشرع اللى يعجبنا ونتجاهل اللى مش بيعجبنا
بتمنى كلكم تشاركوا واعرف مين قابل مشكله زى دى وكان ايه رد فعله او على الاقل لو مصادفش مشكله زى دى احب اعرف رأيه

موضوع جميل جدا يا نينو
ويستحق المناقشه